ലോക ഭിന്നശേഷി ദിനാഘോഷം
പൊതുവിദ്യാഭ്യാസ വകുപ്പിന്റേയും മട്ടന്നൂർ ബി ആർ സി യുടേയും നേതൃത്വത്തിൽ ലോകഭിന്നശേഷിദിനം ആഘോഷിച്ചു. വിവിധ വിദ്യാലയങ്ങളിലെ കുട്ടികളും രക്ഷിതാക്കളും പങ്കെടുത്തു. മട്ടന്നൂർ മഹാദേവ ഹാളിൽ നടന്ന പരിപാടി നഗരസഭാ ചെയർപേഴ്സൺ അനിതാ വേണു ഉദ്ഘാടനം ചെയ്തു. ബി.പി.ഒ രതീഷ് എ.വി അധ്യക്ഷത വഹിച്ചു. മട്ടന്നൂർ ഹയർ സെക്കണ്ടറി സ്കൂൾ പ്രഥമാധ്യാപകൻ യതീന്ദ്രദാസ്, ജോസഫ് പി.വി, ഉനൈസ് എം, ശ്രീജിത്ത്.കെ.കെ എന്നിവർ സംസാരിച്ചു. കുട്ടികളുടെ വിവിധ പ്രവർത്തനങ്ങൾക്ക് രമിത എം.വി, ഷാജികുമാർ, ഷെരീഫ കെ, പ്രശാന്തൻ.കെ എന്നിവർ നേതൃത്വം നൽകി. വൈകുന്നേരം നടന്ന സമാപന സമ്മേളനം നഗരസഭാ വൈസ് ചെയർമാൻ പി.പുരുഷോത്തമൻ ഉദ്ഘാടനം ചെയ്തു. വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്സൺ പി.പ്രസീന അധ്യക്ഷത വഹിച്ചു. പങ്കെടുത്ത മുഴുവൻ കുട്ടികൾക്കും ഉപജില്ലാ വിദ്യാഭ്യാസ ഓഫീസർ എ.പി അംബിക സമ്മാനവിതരണം നടത്തി. പ്രഥമാധ്യാപക സമിതി സെക്രട്ടറി എം മനോജൻ, ധന്യ.പി, എന്നിവർ സംസാരിച്ചു.
No comments:
Post a Comment