ചിത്രരചന, ഉപന്യാസരചന

സ്വച്ഛഭാരത മിഷനോടനുബന്ധിച്ച് വിദ്യാർത്ഥികൾക്കായി നടത്തുന്ന  ചിത്രരചന, ഉപന്യാസരചന മത്സരങ്ങൾ.

      1  മുതൽ 5 വരെയുള്ള ക്ലാസ്സുകളിലെ കുട്ടികൾക്ക് പൊതുവായി "എൻ്റെ സ്വപ്‍നത്തിലെ സ്വച്ഛഭാരതം " എന്ന വിഷയത്തിൽ ചിത്രരചന മത്സരവും (പെൻസിൽ ,ക്രയോൺസ് ,ജലച്ചായം ,എണ്ണച്ചായം  തുടങ്ങി ഏതു മാധ്യമവുമാകാം),6 മുതൽ 8 വരെയുള്ള ക്ലാസ്സുകളിലെ കുട്ടികൾക്ക് പൊതുവായി "ഇന്ത്യയെ ശുചിത്വ പൂർണമാക്കുന്നതിന് ഞാൻ ചെയ്യാനുദ്ദേശിക്കുന്ന കാര്യങ്ങൾ "  എന്ന വിഷയത്തിൽ ഉപന്യാസ മത്സരവും (2 1/2 പുറത്തിൽ കവിയാതെ) ആണ് നടത്തേണ്ടത് .

സ്കൂൾ  തലം 

     മേൽപറഞ്ഞ 2 വിഭാഗത്തിലും ഉൾപ്പെട്ട കുട്ടികൾക്കായി 2017 സെപ്റ്റംബർ  13 ന്  മൂന്ന് രക്ഷിതാക്കളുടെയെങ്കിലും സാന്നിധ്യത്തിൽ എല്ലാ വിദ്യാലയങ്ങളിലും ഒരു മണിക്കൂർ ദൈര്‍ഘ്യമുളള മത്സരം നടത്തി ഓരോ രചന (ചിത്ര രചനയ്ക്ക് 1, ഉപന്യാസത്തിന് 1) തെരഞ്ഞെടുത്ത്  സെപ്റ്റംബർ 13 ന് വൈകുന്നേരം 5 മണിക്ക് മുമ്പായി ബി ആർ സി കളിൽ എത്തിക്കേണ്ടതാണ് .

    തെരെഞ്ഞെടുക്കപ്പെട്ട ചിത്രത്തിന്റെ വശത്തുള്ള മാർജിനിലും (Click Here) ഉപന്യാസത്തിന്റെ മുകളിലെ മാർജിനിലും (Click Here) UDISE CODE,& SCHOOL NAME, AADHAR NUMBER എന്നിവ രേഖപ്പെടുത്തേണ്ടതാണ്. കുട്ടി സ്കൂളിൽ വെച്ച് വരച്ച ചിത്രമാണ് / ഉപന്യാസമാണ് എന്ന് ഹെഡ്മാസ്റ്റർ സാക്ഷ്യപ്പെടുത്തുകയും വേണം. പരമാവധി കുട്ടികൾക്ക് പ്രോത്സാഹനവും അംഗീകാരവും സ്കൂൾ തലത്തിൽ ലഭ്യമാക്കണം .