STARS - STREAM ECOSYSTEM

STARS  - STREAM ECOSYSTEM

    പൊതു വിദ്യാഭ്യാസ മേഖലയിൽ ഗവേഷണാത്മക പഠനത്തിന് പ്രാധാന്യം കൊടുത്തു കൊണ്ടുള്ള പുത്തൻ മാതൃക സമഗ്ര ശിക്ഷകേരളം സ്കൂളുകളിൽ ഒരുക്കുന്നു. സ്ട്രീം എക്കോ സിസ്റ്റം എന്ന പദ്ധതി കുട്ടികളിൽ ശാസ്ത്രബോധം സൃഷ്ടിക്കുകയും വിജ്ഞാനത്തിന്റെ വിവിധ ധാരകളെ സമന്വയിപ്പിച്ചു കൊണ്ടുള്ള പഠന രീതിക്കാണ്  പ്രാമുഖ്യം കൊടുക്കുന്നത്. ശാസ്ത്രം, സാങ്കേതികവിദ്യ, ഗവേഷണം, എഞ്ചിനിയറിംഗ്, കലകൾ ഉൾപ്പെടുന്ന മാനവിക വിഷയങ്ങൾ, ഗണിതം എന്നിവയെല്ലാം സമന്വയിക്കുന്നു. അന്തർ വൈജ്ഞാനിക പഠനത്തിന്റെ സാധ്യതകൾ ഇന്ന് ലോകത്താകമാനം ഉപയോഗിക്കുന്നു.

    ഇതിന്‍റെ ഭാഗമായി മട്ടന്നൂര്‍ ബി.ആര്‍.സി പരിധിയിലുള്ള 8 ഹൈസ്കൂളിലെ പ്രഥമാധ്യാപകരെയും , സയന്‍സ് ക്ലബ് കണ്‍വീനര്‍മാരെയും,തെരഞ്ഞെടുത്ത യു.പി സ്കൂളിലെ സയന്‍സ് ക്ലബ് കണ്‍വീനര്‍മാരെയും പങ്കെടുപ്പിച്ചുകൊണ്ട് 
13-08-2024 ന് എം.ടി.എസ്.ജി.യു.പി.സ്കൂളില്‍ വെച്ച് സ്ട്രീം ഹബ് പ്രോജക്ട് ബി.ആര്‍.സി. തല ഉദ്ഘാടനവും പ്രോജക്ടിനെകുറിച്ചുള്ള വിശദീകരണവും നടത്തി. പരിപാടി ഇരിട്ടി ബ്ലോക്ക് വിദ്യാഭ്യാസ സ്റ്റാന്‍റിംഗ് കമ്മിറ്റി ചെയര്‍മാന്‍. ശ്രീ.എം.രതീഷ് ഉദ്ഘാടനം ചെയ്തു.ഉപജില്ലാ വിദ്യാഭ്യാസ ഓഫീസര്‍ ശ്രീ.കെ.കെ.രവീന്ദ്രന്‍, സമഗ്രശിക്ഷാ കേരളം കണ്ണൂര്‍ ജില്ലാ പ്രോഗ്രാം ഓഫീസര്‍ ഡോ.സബിത്ത്. പി.കെ. ബി.പി.സി ശ്രീ.ബിപിന്‍.വി, ട്രെയിനര്‍ ശ്രീ.പ്രീജിത്ത്.സി.എന്‍, സി.ആര്‍.സി.സി. ശ്രീ.സാരംഗ്.കെ.കെ.എന്നിവര്‍ സംസാരിച്ചു.

പഠനോത്സവം

   പഠനോത്സവം

   പൊതുവിദ്യാഭ്യാസസംരക്ഷണയജ്ഞത്തിലൂടെ  വിദ്യാലയങ്ങളിലുണ്ടായ അക്കാദമികമായ മികവിനെ സമൂഹത്തിന് മുമ്പാകെ അവതരിപ്പിക്കുന്ന ജനകീയമായ പരിപാടിയാണ് പഠനോത്സവം. മലയാളം, ഇംഗ്ലീഷ്, ഹിന്ദി,ഗണിതം, ശാസ്ത്രം, ഐ.ടി തുടങ്ങി വിവിധ വിഷയങ്ങളില്‍ കുട്ടികള്‍ നേടിയ ആഴത്തിലുള്ള അറിവിനെ സ്വതന്ത്രമായ ഭാഷയിലും രീതിയിലും പൊതുസമൂഹത്തിന് മുമ്പാകെ അവതരിപ്പിക്കുന്നു. സമഗ്ര ശിക്ഷ കേരള മട്ടന്നൂര്‍ ബിആര്‍സിയുടെ നേതൃത്വത്തില്‍ മട്ടന്നൂര്‍ ഉപജില്ലയിലെ 83 വിദ്യാലയങ്ങളിലെ അധ്യാപകര്‍ക്ക് പഠനോത്സവം അധ്യാപക ശില്പശാല സംഘടിപ്പിച്ചു.

  മട്ടന്നൂര്‍ മുനിസിപ്പല്‍ ചെയര്‍മാന്‍ ഷാജിത്ത് മാസ്റ്റര്‍ പരിപാടി ഉദ്ഘാടനം ചെയ്തു. ഉപജില്ലാ വിദ്യാഭ്യാസ ഓഫീസര്‍ വി വി ബാബു അധ്യക്ഷത വഹിച്ചു. ബിബിന്‍ വി, ബീന എ കെ എന്നിവര്‍ സംസാരിച്ചു. സുഭാഷ്. പി, ശ്രീജിത വി, ഷിന്‍ജിത. കെ എന്നിവര്‍ പരിശീലനത്തിനു നേതൃത്വം നല്‍കി.

IEDC

    CWSN Exposure Visit

        സമഗ്രശിക്ഷാ കേരള മട്ടന്നൂര്‍ ബി ആര്‍ സി യുടെ നേതൃത്വത്തില്‍ ഭിന്നശേഷി കുട്ടികളുടെ എക്സ്പോഷര്‍ വിസിറ്റ് സംഘടിപ്പിച്ചു. ഇതിന്‍റെ ഭാഗമായി ഇന്‍റര്‍നാഷണല്‍ എയര്‍പോര്‍ട്ട് കണ്ണൂര്‍, മട്ടന്നൂര്‍ ഫയര്‍ സ്റ്റേഷന്‍, റീജിയണല്‍ ട്രാന്‍സ്പോര്‍ട് ഓഫീസ് എന്‍ഫോസ്മെന്‍റ് കൂടാതെ മാട്ടൂല്‍ പെറ്റ് സ്റ്റേഷന്‍ എന്നിവ സന്ദര്‍ശിച്ചു.32കുട്ടികളും, രക്ഷിതാക്കളും, ബി ആര്‍ സി പ്രവര്‍ത്തകരും ഉള്‍പ്പെടെ 68  പേര്‍ പങ്കെടുത്തു. രാവിലെ 8.30ന് ബി ആര്‍ സി യില്‍ നിന്ന് പുറപ്പെട്ട ബസ് യാത്ര കുട്ടികള്‍ ആഘോഷകരമാക്കി. കുട്ടികള്‍ക്ക് വ്യത്യസ്ത അനുഭവം പകര്‍ന്നുനല്‍കുവാന്‍ ഈ പ്രാദേശിക പഠനയാത്രയിലൂടെ സാധിച്ചു.

മേന്മ

 മേന്മ - ഗണിതം

    രാഷ്ട്രീയ ആവിഷ്ക്കാര്‍ അബിയാന്‍റെ ഭാഗമായി സമഗ്ര ശിക്ഷാ കേരളം നടപ്പാക്കിയ പദ്ധതിയാണ് മേന്മ. (Mathematics Empowerment Program for Mathematical) Capacities Through Academic Master Plan) 5,6,7 ക്ലാസുകളിലെ ഗണിതം കൈകാര്യം ചെയ്യുന്ന അധ്യാപകരെ ഉള്‍പ്പെടുത്തി കൊണ്ട് 11/1/2024 ന്  മട്ടന്നൂര്‍ ബിആര്‍സിയില്‍ വച്ച് നടത്തുകയുണ്ടായി. പൊതു വിദ്യാഭ്യാസ വകുപ്പ് സമഗ്ര ശിക്ഷാ കേരളം മട്ടന്നൂര്‍ ബി ആര്‍ സിയുടെ നേതൃത്വത്തില്‍ യുപി അധ്യാപകര്‍ക്കുള്ള മേന്മ അധ്യാപക ശില്പശാല മട്ടന്നൂര്‍ മുന്‍സിപ്പല്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ വി കെ സുഗതന്‍ ഉദ്ഘാടനം ചെയ്തു. ഇരിട്ടി ബ്ലോക്ക് ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി  ചെയര്‍മാന്‍  എം രതീഷ് അധ്യക്ഷത വഹിച്ചു.  കൃത്യം 10 മണിക്ക് തന്നെ ക്ലാസ് ആരംഭിച്ചു.  3 ആർപി മാര്‍ ഉള്‍പ്പെടെ ഏകദേശം 43 അധ്യാപകര്‍ ഈ ശില്പശാലയില്‍ പങ്കെടുത്തു. ഗണിതത്തില്‍ ഓരോ കുട്ടിയുടെയും നില മെച്ചപ്പെടുത്തുന്നതിന്‍റെ അനിവാര്യത ഓരോ അധ്യാപകരെയും ബോധ്യപ്പെടുത്താന്‍ ഈ ശില്പശാലയിലൂടെ കഴിഞ്ഞു.  

ശാസ്ത്രോത്സവം - സയൻസ് ക്വിസ്

ശാസ്ത്രോത്സവം - സയൻസ് ക്വിസ്

        പൊതുവിദ്യാഭ്യാസ വകുപ്പ് സമഗ്ര ശിക്ഷാ കേരളം മട്ടന്നൂര്‍ ബി.ആര്‍സിയുടെ  നേതൃത്വത്തില്‍ സ്കൂള്‍ കുട്ടികള്‍ക്കുള്ള ശാസ്ത്രോത്സവവും സയന്‍സ് ക്വിസും സംഘടിപ്പിച്ചു. മട്ടന്നൂര്‍ നഗരസഭ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ശ്രീ.വി കെ സുഗതന്‍ ഉദ്ഘാടനം ചെയ്തു. മട്ടന്നൂര്‍ ബിപിസി ശ്രീ ബിപിന്‍.വി അധ്യക്ഷത വഹിച്ചു മട്ടന്നൂര്‍ ജിയുപിഎസ് എച്ച് എം മുരളീധരന്‍, ട്രെയിനര്‍ പ്രീജിത്ത്  സിഎന്‍, സജിത് കുമാര്‍ വി.കെ എന്നിവര്‍ സംസാരിച്ചു. 

ബഡ്ഡിംഗ് റൈറ്റേഴ്സ്

 ബഡ്ഡിംഗ് റൈറ്റേഴ്സ്

            സമഗ്ര ശിക്ഷാ കേരളം 2023-24 'സ്റ്റാര്‍സ് 'ല്‍ ഉള്‍പ്പെടുന്ന ബഡ്ഡിങ് റൈറ്റേഴ്സ് വിദ്യാലയങ്ങളില്‍ അനുവദിക്കപ്പെട്ട ഗുണമേന്മ പദ്ധതിയാണ്. ഇതിന്‍റെ ഭാഗമാ യി മട്ടന്നൂര്‍ ബി ആര്‍ സി പരിധിയിലെ എട്ട് ഹൈസ്കൂളിലും 23 യൂ പി സ്കൂളുകളി ലും വായനാക്കൂട്ടം എഴുത്തു കൂട്ടം പരിപാടി നടത്തിയിരുന്നു. പ്രസ്തുത പരിപാ ടിയില്‍ മികച്ച നിലവാരം പുലര്‍ത്തിയ യുപി വിഭാഗത്തില്‍ നിന്നും ഒരു കുട്ടി വീതവും എച്ച് എസ് വിഭാഗത്തില്‍നിന്ന് മൂന്നു കുട്ടികള്‍ വീതവും ബി ആര്‍ സി തല ദ്വിദിന ശില്പശാലയിലേക്ക് വേണ്ടി തെരഞ്ഞെടുത്തു.

        26/02/2024 തിങ്കളാഴ്ച മട്ടന്നൂര്‍ ഹയര്‍ സെക്കന്‍ഡറി സ്കൂളിലെ സബര്‍മതി ഹാളില്‍ വച്ച് ബഡ്ഡിങ് റൈറ്റേഴ്സ് ഇരട്ടി ബ്ലോക്ക് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ശ്രീ രതീഷിന്‍റെ അധ്യക്ഷതയില്‍ പ്രശസ്ത എഴുത്തുകാരിയും അധ്യാപികയും ആയിരുന്ന ശ്രീമതി അംബുജം കടമ്പൂര്‍ ഉദ്ഘാടനം നിര്‍വഹിച്ചു. സ്കൂള്‍ പ്രധാന അധ്യാപിക ശ്രീമതി സുജാത, എ ഇ ഒ ശ്രീ ബാബു വി വി ആശംസകള്‍ അര്‍പ്പിച്ചു സംസാരിച്ചു. മട്ടന്നൂര്‍ ബിപിസി ശ്രീ ബിപിന്‍ മാസ്റ്റര്‍ സ്വാഗതം പറഞ്ഞു.

 ബഡ്ഡിംഗ് റൈറ്റേഴ്സ്

ശാസ്ത്രോത്സവം - സയൻസ് ക്വിസ്

ഭിന്നശേഷി മാസാചരണ സമാപനം - രക്ഷിതാക്കൾക്കുള്ള ബോധവൽക്കരണ ക്ലാസ്

ഭിന്നശേഷി മാസാചരണ സമാപനം -  രക്ഷിതാക്കൾക്കുള്ള ബോധവൽക്കരണ ക്ലാസ് 

    സമഗ്ര ശിക്ഷാ കേരളം മട്ടന്നൂർ ബി ആർ സി യുടെ കീഴിൽ ഭിന്നശേഷി മാസാചരണ സമാപനം 06/01/2024 ബിആർ.സി ഹാളിൽ വച്ച് നടത്തി. മട്ടന്നൂർ ബിപിസി ശ്രീ. ബിപിൻ. വി യുടെ അധ്യക്ഷതയിൽ ചേർന്ന സമാപന പരിപാടിയിൽ ഉദ്ഘാടനം ചെയ്ത് സംസാരിച്ചത് മട്ടന്നൂർ നഗരസഭ ചെയർമാൻ ശ്രീ. ഷാജിത്ത് മാസ്റ്റർ ആണ്. തന്റെ ഉദ്ഘാടന ഭാഷണത്തിൽ ഐക്യരാഷ്ട്ര സഭയുടെ ഹാപ്പിനസ് പ്രോഗ്രാമിൽ ഭിന്നശേഷിക്കാരുടെ സന്തോഷത്തിന് പ്രാധാന്യം നൽകിയിരിക്കുന്നുവെന്നും ഭിന്നശേഷിക്കാരുടെ ഉന്നമനത്തിന് സമൂഹം മൊത്തം കൂടെയുണ്ടെന്നും അഭിപ്രായപ്പെട്ടു. ബി ആർ സി ട്രെയിനർ ശ്രീ. പ്രീജിത്ത് മാണിയൂർ സ്വാഗതം ഓതിയ ചടങ്ങിന് ആശംസ അർപ്പിച്ച് സംസാരിച്ചത് സി ആർ സി  കോഡിനേറ്റർ ശ്രീ. സുരേഷ് പാനൂർ ആണ്. തുടർന്ന് കൗൺസിലറും സൈക്കോതെറാപ്പിസ്റ്റും ആയ ശ്രീ. എ. വി.രത്നകുമാർ രക്ഷിതാക്കൾക്കുള്ള ബോധവൽക്കരണ ക്ലാസ് കൈകാര്യം ചെയ്തു. രക്ഷിതാക്കളും കുട്ടികളും തമ്മിലുള്ള ബന്ധം ദൃഢപ്പെടുത്തേണ്ടതിന്റെ ആവശ്യകതയെ കുറിച്ചും, രക്ഷിതാക്കളുടെ സ്ട്രെസ്സ് മാനേജ്മെന്റ് ടെക്നിക്സ്നെക്കുറിച്ചും, വ്യത്യസ്ത നിലവാരത്തിലുള്ള കുട്ടികളെ കൈകാര്യം ചെയ്യുന്നതിനെക്കുറിച്ചും സംസാരിച്ചു.

RAA - YIP ശാസ്ത്രപഥം

RAA - YIP ശാസ്ത്രപഥം

സംസ്ഥാന തല വിജയികൾ

 RAA - YIP ശാസ്ത്രപഥം

സംസ്ഥാന തല വിജയികൾ

എച്ച്.ബി.ഇ സംഗമം

ഗൃഹാധിഷ്ഠിത വിദ്യാഭ്യാസം നടത്തുന്ന കുട്ടികളുടെ സംഗമം

ചിരാത്

    സമഗ്ര ശിക്ഷാ കേരളം മട്ടന്നൂർ ബിആർസിയുടെ നേതൃത്വത്തിൽ ഗൃഹാധിഷ്ഠിത വിദ്യാഭ്യാസം നടത്തുന്ന കുട്ടികളുടെ സംഗമം  ചിരാത്   ഗ്രീൻ പ്ലാനറ്റ് റിസോർട്ട് വെള്ളിയാം പറമ്പിൽ വെച്ച് സംഘടിപ്പിച്ചു. പരിപാടിയിൽ കീഴല്ലൂർ ഗ്രാമപഞ്ചായത്ത് പ്രസിഡന്‍റ് കെ പി മിനി ഉദ്ഘാടനം ചെയ്തു. ബിആർസി ട്രെയിനർ എ കെ ബീന ടീച്ചർ സ്വാഗതം പറഞ്ഞ ചടങ്ങിന് അധ്യക്ഷത വഹിച്ചത് ബിപിസി ബിപിൻ മാസ്റ്റർ ആയിരുന്നു. ലയന ടീച്ചർ സുഭാഷ് പൂവാടൻ  എന്നിവർ ആശംസകൾ അർപ്പിച്ചു. അപ്രതീക്ഷിതമായി സംഗമം സന്ദർശിച്ച ബഹു രാജ്യസഭ എം പി ജോൺ ബ്രിട്ടാസ് ചിരാതിന് മിഴിവ് വർധിപ്പിച്ചു. തന്‍റെ ഭാഷണത്തിൽ എല്ലാ വിഭാഗക്കാരെയും ചേർത്തുപിടിച്ച് കൊണ്ടുള്ള സാമൂഹിക മുന്നേറ്റത്തിന് സഹായകമായ റാമ്പുകൾ ആദ്യം നിർമ്മിക്കേണ്ടത് മനുഷ്യ ഹൃദയത്തിലാണെന്ന് അദ്ദേഹം അഭിപ്രായപ്പെട്ടു. കുട്ടികളുടെ കൂടെ കുശലാന്വേഷണം പറഞ്ഞും അവരെ ചേർത്തുപിടിച്ചും ഏറെ സമയം ചെലവഴിച്ചത് ചടങ്ങിന് നിറപ്പകിട്ടേകി. ചടങ്ങിന് സ്പെഷ്യൽ എഡ്യൂക്കേറ്റർ കുമാരി ഗാർഗി ടീച്ചർ നന്ദി പറഞ്ഞു. ഡോക്ടർ അപർണ്ണ കുട്ടികളുമായി സംവദിച്ചു.  കുട്ടികളുടെ ദിനചര്യകൾ, അമ്മമാർക്കുണ്ടാകുന്ന പ്രയാസങ്ങൾ അത് മറികടക്കാനുള്ള മാർഗങ്ങളും ആയുർവേദ ഡോക്ടർ അപർണ വീടുകളിൽ കുട്ടികളെ എങ്ങനെ പരിചരിക്കാം  എന്ന വിഷയത്തെക്കുറിച്ചും ക്ലാസ്സ്‌ കൈകാര്യം ചെയ്തു.

 പ്രശസ്ത സിനിമാതാരവും ഏഷ്യാനെറ്റ് കോമഡി എക്സ്പ്രസ്സ് താരം ബാബു കൊടോളിപ്രം കുട്ടികൾക്ക് വേണ്ടി തന്റെ കലാ മികവ് പ്രകടിപ്പിച്ചു. ഗോപിനാഥ് മുതുകാടിന്‍റെ സമ്മോഹനം പ്രോഗ്രാം ഫെയിം ആര്യ പ്രകാശിന്‍റെ വാക്കുകളും ഗാനവും രക്ഷിതാക്കൾക്കും കുട്ടികൾക്കും ഏറെ പ്രചോദനമേകി. കുട്ടികളുടെ വൈവിധ്യമാർന്ന പരിപാടികൾ കൊണ്ടും  അതിഥികളുടെ മികവാർന്ന അവതരണം കൊണ്ടും ഏറേ ശ്രദ്ധേയമാർന്ന പരിപാടിയായി മാറി ചിരാത്. സമാപനചടങ്ങിൽ പങ്കെടുത്ത എല്ലാ കുട്ടികൾക്കും സമ്മാനം നൽകി. ഒരുദിവസം മുഴുവൻ മറ്റു ആകുലതകളൊ ന്നുമില്ലാതെ സന്തോഷത്തോടെ ഇരിക്കാൻ ഈ പരിപാടിക്കുകഴിഞ്ഞു എന്ന രക്ഷിതാക്കളുടെ വാക്കുകൾ ഈ പരിപാടിയുടെ പൂർണതയെ സൂചിപ്പിക്കുന്നു...

അനുമോദന ചടങ്ങ് സംഘടിപ്പിച്ചു

 അനുമോദന ചടങ്ങ്  സംഘടിപ്പിച്ചു

   

    സമഗ്ര ശിക്ഷാ കേരളം മട്ടന്നൂർ ബി ആർ സി യുടെ നേതൃത്വത്തിൽ 2023 അവധിക്കാല അധ്യാപക പരിശീലനത്തിൽ ആർ പി മാരായ  അധ്യാപകർക്ക് അനുമോദന ചടങ്ങ് സംഘടിപ്പിച്ചു. SSK ജില്ലാ പ്രോഗ്രാം ഓഫീസർ ശ്രീ.രാജേഷ് കടന്നപ്പള്ളി പരിപാടി ഉദ്ഘാടനം ചെയ്തു.എം ടി എസ് ജിയു പിഎസ് പ്രഥമ അധ്യാപകൻ സി മുരളീധരൻ അധ്യക്ഷ സ്ഥാനം അലങ്കരിച്ചു.

കണ്ണൂരിന്‍റെ കുഞ്ഞെഴുത്തുകള്‍ ആസ്വാദനസദസ്സ്

 കണ്ണൂരിന്‍റെ കുഞ്ഞെഴുത്തുകള്‍ അനുമോദനം

കണ്ണൂരിന്റെ കുഞ്ഞെഴുത്തുമായി   ബന്ധപ്പെട്ട് നടത്തിയ ആസ്വാദന കൂട്ടം മത്സരത്തിൽ ഒന്നാം സ്ഥാനം നേടിയ ഐറ പുതുശ്ശേരി  കൈതേരി വെസ്റ്റ് എൽ പി സ്കൂൾ, രണ്ടാം സ്ഥാനം നേടിയ വേദരാജേഷ് മാലൂർ യുപി സ്കൂൾ എന്നീ കുട്ടികൾക്ക് ഉപജില്ലാവിദ്യാഭ്യാസ ഓഫീസർ വി വി ബാബു  ഉപഹാരം നൽകുന്നു.

പോക്സോ നിയമബോധവല്‍ക്കരണം

 പോക്സോ നിയമബോധവല്‍ക്കരണം

        സമഗ്രശിക്ഷാ കേരളം മട്ടന്നൂര്‍ ബി.ആര്‍.സി.യുടെ നേതൃത്വത്തില്‍ ഹയര്‍സെക്കന്‍ററി, വി.എച്ച്.എസ്.അധ്യാപകര്‍ക്കുള്ള പോക്സോ നിയമബോധവല്‍ക്കണ ക്ലാസ് മട്ടന്നൂര്‍ സി.ആര്‍.സി.ഹാളില്‍ 27-07-2023 ന് രാവിലെ 10 മണിക്ക് നടന്നു. മട്ടന്നൂര്‍ ഉപജില്ല വിദ്യാഭ്യാസ ഓഫീസര്‍ ശ്രീ.വി.വി. ബാബുവിന്‍റെ അധ്യക്ഷതില്‍ മട്ടന്നൂര്‍ സി.ഐ.ഓഫ് പോലീസ്.ശ്രീ. കെ.വി. പ്രമോദന്‍ ഉദ്ഘാടനം ചെയ്തു. പോക്സോവുമായി ബന്ധപ്പെട്ട നിയമങ്ങളെകുറിച്ച് അധ്യാപകര്‍ക്ക് അദ്ദേഹം വിശദീകരിച്ചുകൊടുത്തു. മട്ടന്നൂര്‍ ബി.പി.സി. ശ്രീ.ജയതിലകന്‍.പി.കെ. സ്വാഗതം പറഞ്ഞു. മട്ടന്നൂര്‍ എം.ടി.എസ്.ജി.യുപിസ്കൂളിലെ പ്രഥമാധ്യാപകന്‍ ശ്രീ.മുരളീധരന്‍.സി ആശംസയര്‍പ്പിച്ച് സംസാരിച്ചു. ട്രെയിനര്‍ ശ്രീ.ബിപിന്‍.വി നന്ദി പറഞ്ഞു. അഡ്വ.പ്രദീപ് കുമാര്‍.കെ.എ, എച്ച്.എസ്.എസ്. സൗഹൃദകോ-ഓര്‍ഡിനേറ്റര്‍  ശ്രീമതി. സ്മിജ.നെല്ലിയാട്ട് (അധ്യാപിക, ശിവപുരം ഹയര്‍സെക്കന്‍ററി സ്കൂള്‍) വി.എച്ച്.എസ്.എസ്. കരിയര്‍ മാസ്റ്റര്‍ ശ്രീ.സുധീഷ്.കെ.ടി (ജി.വി.എച്ച്.എസ്.എസ്.എടയന്നൂര്‍) ട്രെയിനര്‍ ശ്രീമതി. ബീന.എ.കെ എന്നിവര്‍ ക്ലാസ് കൈകാര്യം ചെയ്തു.  ഹയര്‍സെക്കന്‍ററി, വി.എച്ച്.എസ്.ഇ വിഭാഗങ്ങളില്‍ നിന്നായി 22 അധ്യാപകര്‍ പങ്കെടുത്തു. 

പോക്സോ നിയമബോധവല്‍ക്കരണം

പോക്സോ നിയമബോധവല്‍ക്കരണം

കണ്ണൂരിന്‍റെ കുഞ്ഞെഴുത്തുകള്‍ ആസ്വാദനസദസ്സ്

 കണ്ണൂരിന്‍റെ കുഞ്ഞെഴുത്തുകള്‍ ആസ്വാദനസദസ്സ്

    സമഗ്രശിക്ഷാ കേരളം മട്ടന്നൂര്‍ ബി.ആര്‍.സി.യുടെ നേതൃത്വത്തില്‍ കണ്ണൂരിന്‍റെ കുഞ്ഞെഴുത്തുമായി ബന്ധപ്പെട്ട്  ആസ്വാദന കൂട്ടവും അനുമോദനസദസ്സും നടത്തി. മട്ടന്നൂര്‍ മുന്‍സിപ്പല്‍ വിദ്യാഭ്യാസ സ്റ്റാന്‍റിംഗ് കമ്മിറ്റി ചെയര്‍മാന്‍ ശ്രീ.വി.കെ. സുഗതന്‍ പരിപാടി ഉദ്ഘാടനം ചെയ്തു. മട്ടന്നൂര്‍ ബി.ആര്‍.സി. ബി.പി.സി. ശ്രീ. ജയതിലകന്‍ പി.കെ. അധ്യക്ഷസ്ഥാനം അലങ്കരിച്ചു. കല്ലൂര്‍ ന്യുയുപിസ്കൂള്‍ അധ്യാപികയും എഴുത്തുകാരിയുമായ ശ്രീമതി. രാധ.കെ പരിപാടിക്ക് ആശംസയര്‍പ്പിച്ച് സംസാരിച്ചു. സി.ആര്‍.സി. കോ-ഓര്‍ഡിനേറ്റര്‍ ശ്രീമതി. ശ്രീജിത.വി.കെ. നന്ദി പറഞ്ഞു. കണ്ണൂരിന്‍റെ കുഞ്ഞെഴുത്തില്‍ മികച്ച സംഭാവന നല്‍കിയ മട്ടന്നൂര്‍ ഹയര്‍സെക്കന്‍ററി സ്കൂളിലെ പ്ലസ്ടു വിദ്യാര്‍ത്ഥി വിജില്‍.ടി, കൂടാളി ഹയര്‍സെക്കന്‍ററി സ്കൂളിലെ ഒമ്പതാം ക്ലാസ് വിദ്യാര്‍ത്ഥിനി അനുുശ്രേയ അചലേന്ദ്രന്‍, കുന്നോത്ത് യു.പി.സ്കൂളിലെ ഏഴാം ക്ലാസ് വിദ്യാര്‍ത്ഥിനി ആവണി.കെ.കെ എന്നിവരെ അനുമോദിച്ചു. 68 കുട്ടികള്‍ പരിപാടിയില്‍ പങ്കാളികളായി. മട്ടന്നൂര്‍ എം.ടി.എസ്.ജി.യു.പി.സ്കൂളിലെ പ്രഥമാധ്യാപകനും എഴുത്തുകാരനുമായ  ശ്രീ.മുരളീധരന്‍.സി മുഖ്യപ്രഭാഷണം നടത്തി. കൂടാതെ കുട്ടികളുടെ ആസ്വാദനകുറിപ്പ് ശേഖരിച്ചു.

കണ്ണൂരിന്‍റെ കുഞ്ഞെഴുത്തുകള്‍ ആസ്വാദനസദസ്സ്

ലോകപരിസ്ഥി ദിനം ജൂൺ 5

 ലോകപരിസ്ഥി ദിനം ജൂൺ 5

ലോകപരിസ്ഥി ദിനത്തിന് മുന്നോടി ആയി ജൂൺ 3  ന്  മട്ടന്നൂർ സബ്ജില്ലയിലെ  വിവിധ  സ്‌കൂളിലെ  അധ്യാപകർക്ക്  മട്ടന്നൂർ brc ഹാളിൽ വെച്ച്   ക്ലാസ്കൊടുത്തു. 66 അധ്യാപകർ പങ്കെടുത്തു.  ക്ലാസ്സിൽ പങ്കെടുത്ത അധ്യാപകർ ജൂൺ 5  ലോകപരിസ്ഥി ദിനത്തിൽ  ഈ ക്ലാസ്  അവരവരുടെ സ്‌കൂളിൽ ഉള്ള കുട്ടികൾക്കും രക്ഷകർത്താ ക്കൾക്കും നല്കാൻ നിദേശിച്ചു. മട്ടന്നൂർ നഗര സഭ വിദ്യാഭാസ സ്റ്റാൻഡിങ് കമ്മറ്റി ചെയർ മാൻ  വി. കെ സുഗതൻ പരിപാടി  ഉദ്‌ഘാടനം ചെയ്തു.  മട്ടന്നൂർ ബിപിസി ജയതിലകൻ അധ്യക്ഷനായ പരിപാടിയിൽ ട്രെയ്നർ  വി.ബിപിൻ സ്വാഗതം പറഞ്ഞു. ആർ പി മാരായ  ശ്രീ.സജിത്ത് കുമാർ, ശ്രീമതി.ഫരീദ ടീച്ചർ, ബി.ആർ.സി. ട്രെയിനർ ശ്രീ.വി.ബിപിൻ  ഇവർ  ക്ലാസ് കാര്യം  ചെയ്തു  ട്രെയിനർ പ്രീജിത്ത് മാഷ് നന്ദി പറഞ്ഞു.

അധ്യാപക സംഗമം 2023

                അധ്യാപക സംഗമം 2023

അധ്യാപക സംഗമം 2023

അധ്യാപക സംഗമം 2023

അധ്യാപക സംഗമം 2023 ( അവധിക്കാല അധ്യാപക ശാക്തീകരണ പരിപാടി ) ഉപജില്ലാ തല ഉദ്ഘാടനം മട്ടന്നൂർ നിയോജകമണ്ഡലം എംഎൽഎ  ശ്രീമതി കെ കെ ശൈലജ ടീച്ചർ  നിർവഹിച്ചു.