ഒപ്പരം സർഗാത്മക ശിൽപശാല

 അമ്മമാർ 'ഒപ്പരം'കൂടി, ഒറ്റയ്ക്കല്ല എന്ന് ഉറപ്പിക്കാൻ

                 ആടിയും പാടിയും അനുഭവങ്ങൾ പങ്കുവെച്ചും കളിയും ചിരിയു മായി അമ്മമാർ ഒത്തുകൂടി. ആത്മ സംഘർഷങ്ങളും സങ്കടങ്ങളും മാത്രം കൂട്ടായ ജീവിത വഴിയിൽ നിന്നൊരല്പം  മാറി ഒരു ദിനം. 

         മട്ടന്നൂർ ബിആർസി ഭിന്നശേഷിക്കാരായ കുട്ടികളുടെ അമ്മമാർക്ക് വേണ്ടി നടത്തിയ സർഗാത്മക ശില്പശാലയായ "ഒപ്പരം" പരിപാടിയാണ് വേറിട്ട  അനുഭവം അമ്മമാർക്ക് പകർന്നു നൽകിയത്. നിത്യ ജീവിതത്തിൻെറ  വലിയ ഭാഗം മക്കൾക്ക് വേണ്ടി നീക്കിവയ്ക്കുന്ന അമ്മമാർക്ക് തുടർ പരിചരണ വഴിയിൽ ഉന്മേഷവും പുത്തൻ ഊർജ്ജവും നൽകുന്ന അനുഭവങ്ങളാണ് ശിൽപ്പശാലയിൽ നിന്നും പകർന്നു നൽകിയത്. ബി.പി.ഒ  രതീഷ് എ.വിയുടെ അധ്യക്ഷതയിൽ സമഗ്രശിക്ഷാ കണ്ണൂർ ജില്ലാപ്രോജക്ട് കോ-ഓർഡിനേറ്റർ ടി.പി വേണുഗോപാലൻ ഉദ്ഘാടനം ചെയ്തു. മട്ടന്നൂർ ഹൈസ്കൂൾ പ്രഥമാധ്യാപകൻ കെ.കെ യതീന്ദ്രദാസ് ,സുരേന്ദ്രൻ, ഷാജികുമാർ, കെ.കെ ശ്രീജിത്ത്‌,ജോസഫ് പി.വി എന്നിവർ സംസാരിച്ചു. കെ.വി.ധന്യ, എം.വി.രമിത, ശരീഫ.കെ, ഷിഞ്ജിത.കെ, പ്രശാന്തൻ.കെ, ഉനൈസ്.എം  എന്നിവർ  പരിശീലനത്തിന് നേതൃത്വം നൽകി.